Khawzawl dist.-a khaw fai ber Rabung leh Arro

Khawzawl district bawrhsap CC Lalchhuangkima chuan nimin khan DC conference hall-ah Faina Hapta, 2021 denchhena thingtlang (rural) khaw fai intihsiaknaa ti ṭhate hnenah lawmman a sem a, Khawzawl district thingtlang khuaah Rabung leh Arro khua an fai ber.

CC Lalchhuangkima chuan faina chu hunbi nei lo a nih thu a sawi a, "Kan nunphunga sengluh tur a ni a, faina hapta piahlamah pawh fai chhunzawm reng a ṭul," a ti a, lawmman dawngtute leh kalkhawmte chu faina ngaipawimawh chhunzawm zel turin

a chah.

Thingtlang khaw fai intih­siaknaah hian Covid-19 hri leng hluar zualna tih loh district chhunga khua (rural) zawng zawng endik a ni. Fai inelnaah hian Rabung leh Arro khuate chu pakhatna an ni a, Rs. 5,000 ve ve an dawng a; pahnihna Khualen leh Tualpui khua in Rs. 3,000 ve ve, pathumna Sialhawk khuain Rs. 2,000 leh intihsiaknaa tel zawng zawngte'n Rs. 1,000 ṭheuh an dawng.