Chief Minister hnenah ambulance hlan

National Highways and Infrastructure Development Corporation Ltd. (NHIDCL) chuan, nimin khan Mizoram sorkar hnenah ambulance paruk an pe a, NHIDCL aiawhin Executive Director-in chief minister Zoramthanga hnenah a hlan.

Ambulance hlanna neih zawh hian Chief Minister kaihhruaiin NHIDCL hotute hi an ṭhukhawm nghal a; Mimbung aṭanga Parva-II thleng, khawchhak ramri hrula kawngpui siam tura ruahman zirchianna (initial survey) an neih chu an thlirho a ni.

Ṭhutkhawmah hian Chief Minister hi adviser to CM (technical) K Lalsawmvela, additional chief secretary JC Ramthanga, engineer-in-chief Lalmuankima Henry leh chief engineer Bowman-a ten an ṭawiawm.

NHIDCL-in sorkar hnena ambulance an pekte hi hman nghal theih tura thuam sa vek a ni a, nimin vek khan Health department Principal Director hnenah a ṭul anga hman turin hlan chhawn nghal a ni.