Mizoramah hri vei 363 thi tawh

Thawhṭanni tlai dar 5 leh nimin tlai dar 5 inkar khan Mizoramah Covid-19 vangin mi pathum an thi a, Thawhṭanni tlai dar 5 hmaa thi nimina chhuak chanchinbua tarlan hman loh pahnih an tel. An vai hian natna dang neisa vek an ni.

Nimin tlai dar 5 thleng khan Mizoramah Covid-19 vangin mi 363 an thi tawh a, hmarchhak state pariat zinga hri vei hmuh chhuah aṭanga thihpui tlem berna state a ni.

October 11, Thawhṭanni chawhnu dar 1:30 khan Mankhumi (83), Tlangnuam, Aizawl chu ZMC-ah a thi. October 6 khan hri a kai tih hriat chhuah niin hemi ni vek hian ZMC-ah dahluh a ni.

Thawhṭanni tlai dar 4:25 khan Chhunrumi (78), Melthum chu ZMC-ah a thi. October 10 khan hri a kai tih hriatchhuah niin hemi ni vek hian ZMC-ah admit nghal a ni.

Lalsawmi (83), Rahsi Veng, Lunglei chu Thawhṭanni zan dar 9:20 khan ZMC-ah a thi. September 25 khan hri a kai tih hriatchhuah niin hemi ni vek hian ZMC-ah dahluh a ni.

Thawhṭanni zan dar 9:45 khan Lalrinliana (60), Tahan, Myanmar chu ZMC-ah a thi aboral. October ni 6 khan hri a kai tih hriatchhuah niin hemi ni vek hian ZMC-ah admit a ni.

C Lalchuailovi (86), Leisang Veng, Serchhip chu Thawhṭanni zan dar 9:45 khan Serchhip DCHC-ah a thi. October 2 khan hri a kai tih hriat chhuah niin hemi ni vek hian DCHC-ah dahluh nghal a ni.