KHAWTHLIR

Hmanrua hlan
United Way of Bengaluru (UWBe) in an CSR kaltlanga Mizoram sorkar hnena BiPAP ventilator 88 leh consumables 176 an rawn pek chu, damdawi-in hrang hranga sem turin State Planning Board vice chairman H Rammawi chuan nimin khan Health principal director Dr F Lianhlira hnenah a hlan.

Khawbel tlawh
Deputy speaker Lalrinawma, Tuikum bialtu MLA ni bawk chuan nimin khan a bial chhunga tun hnaia Covid-19 hri hluarna Khawbel khua a tlawh. Bialtu MLA hian Khawbel CCCC a tlawh bakah VC leh task force-te nen an inkawm a; a ṭul apiangah theihtawp chhuahin a puih zel dawn thu a sawi. Tun dinhmunah Khawbel khuaah hian sample 108 endik tawh aṭangin hri vei mi 54 hmuh chhuah a ni.