Vanduaina tawk mi pahnih thi

Hrangchhunga (75), Khuangthing khua chu nimin zing khan chawngkawrin a chuk a, damdawi-in panpui a nih laiin a thi. Thudawn danin, Hrangchhunga hi a inhnuaiah mei a chhem laiin, rul hian a chuk a ni.

Melody Lalremruati (17), Khawhnai khua, zirna avanga a nuhoa West Phailenga awm mek chu Thawhṭanni tlai khan a nau tuitla chhan a tumna lamah tuiah a tlahlum.

Melody hi Dampareng-pui leh West Phaileng inkar Sunhlu luia a nu leh a nau nena an inbual tur chu a nau kum sarih mi chu tuiah a tla a, Melody leh a nu hian chhanin, an pahnihin an talbuai thung. Kawngpuia motor sil mek Melody pu chu an nau hian koin, Melody chu a chhan ve hman lo a ni.