Tipper-in mi pakhat a su hlum

May 10, Ningani tlai dar 5:30 vel khan Thenzawl chhim lam kawtchhuah kawngpuia Tantia Construction Ltd. pisa kawtah PWD tipper tharin kawtah Siaha aṭanga Aizawl pan maxicab MZ-03 4848 a sû a, maxicab-a chuang K Lalremruata (38) h/o K Nahli, New Siaha a thi a, mi dang pathum an hliam.

Vantawng chanchinbu editor Liantluanga Ren­thlei hnen aṭanga thu dawn danin, maxicab sutu tipper hi Ningani zinga PWD Minister-in PWD tipper leh JCB eng emaw zat a vailiam tâk zinga mi niin, PWD Lawngtlai Division kawl tur a ni a, a khalhtu chu Lalhmelṭhaa s/o Sawngkaraia, Buh­changphai, tuna Dawrpui Vengthara khawsa mek a ni.

Insutnaah hian K Lal­remruata chu nikhaw hre loin a awm a, Thenzawl damdawi-ina lak a nih hnuah a hliam tuar loin a thi.

Hliam dang pathum­te pawh Thenzawl dam-dawi-inah lak an ni a, ngaihtuahawm an awm lo.

Tipper hian Tantia Con­structions motor (Bolero) leh generator-te kawng thlangah a hnâwl thla bawk a; a khalhtu Lalhmelṭhaa hi Thenzawl police-te'n an man nghal a, nimin khan Serchhip Dis­trict Court-ah hruai a ni.