National Technology Day hmang

Nimin kha National Technology Day a ni a, he ni pual hian Directorate of Science & Technology chuan an pisaah inkhawm an buatsaih a, Plan­ning & Programme Imple­mentation minister Lal­sawta'n a hmanpui.

Lalsawta chuan, tun­lai khawvelah technolo­gy chu mihringte nunphung­ah a bet tawh hle tih sawiin, "Hetiang a nih mek laia India-in khawvel hmuh theiha technology lama a hmasawnna phochhuahna hun National Technology Day hman a ni ṭhin hi a lawmawm hle. Mizoram­ah pawh National Techno­logy Day hi ṭum thum hman tawh a ni," a ti.

Planning Minister chuan, Science & Techno­logy péng hrang hrang - MISTIC, MIRSAC leh science lam kaihhnawih pawl leh mimalte ṭha­hnemngaihna avangin tunah chuan Mizo mipui hriatah technology lama an hnathawh leh hmasawnna hrang hrangte pho chhuah a ni tih a sawi a; hma lam thlirna thui tak nena National Technology Day hmang turin kalkhawmte duhsakna a hlan.

Inkhawmah hian Mi­zo­ram aṭanga an thil siam chhuah neitu nihna, ‘Pa­tentee’ hmasa ber Lal­biak­zuala Ralte leh Lal­piang­liana Sailo te chawi­mawi an ni.