Multi Level Parking siamna tur enfiah

Home minister R Lalzir­liana leh UDPA minister Zodin­tluanga chuan nimin zing khan Coordination Committee on Traffic Management thurel bawhzuiin, Electric Venga Power House hlui hmuna Multi Level Parking siamna tur an enfiah.

R Lalzirliana chuan, Power & Electricity department leh UDPA department-a thawkte leh traffic lama thawkte an inlungrual avangin lawmawm a tih thu a sawi a, "Sorkar hmun mipui hman tura ruahmanna hi mithiamte nen ngaihtuahho a la ni ang," a ti.

UDPA Minister Zodintluanga chuan, sorkar hnathawkte chu an hnathawh ṭhat pholan ni fo lo mah se, hah taka an thawhrimnaah lawmthu a thu a sawi.

Multi Level Parking hmun tur ennaah hian minister pahnih hi Aizawl Municipal Corporation Secretary, UDPA Additional Secretary leh Home department hotute'n an ṭawiawm a ni.