MLA-in kawng siam mek a enfiah

Lunglei West bialtu MLA Chalrosanga Ralte chuan nimin khan Ṭhuampui leh Sertlangpui inkar kawng siam mek tlawhin a enfiah. He kawng hi NABARD sum vbc. 30.48 sênga siam a ni.

Chalrosanga Rate chuan, Ṭhuampui-Ser­tlangpui kawng chu kawng pawimawh tak a nih thu sawiin, kawng siamtu Sad Guru company hotute chu an kawng siam tawh chin a ṭha thawkhata a hriat thu a hrilh a; chutih rualin, hna an thawk muang nia a hriat thu sawiin, chak zawka thawk turin a chah.

Fûrpui a thleng dawn hnai tih sawiin, kawng­puiah eng lai pawha motor a tlan reng theih nana ṭan la tur leh kawng hmangtute'n harsatna an tawh loh nan vil zui reng turin a chah bawk.

MLA hi PWD hotu te, contractor hotu te, South Lungdai V/C leh Ser­tlangpui Group YMA hruai­tute'n an ṭawiawm a ni.