Tourism brand ambassador Jeje

Tourism department chuan May 12, Inrinni tlai khan Tourist Lodge, Chaltlangah Annual Conference an hmang a, footballer Jeje Lalpekhlua chu brand ambassador atan inremna an ziahpui.

Brand ambassador atana inremnaah hian Jeje Lalpekhlua, Tourism secretary Esther Lalruatkimi leh Tourism director Biakthanmawia Pautu ten an hming an ziak a; brand ambassador hna hi kum khat chhung atan a ni phawt ang.

Jeje Lalpekhlua chuan, Tourism department mi leh sa a ni ta chu lawmawm a tih thu sawiin, "A theih ang angin Mizoram tourism hmasawnna atana ṭan ka la ang. Mizoram páwn lama ka ṭhiante'n Mizoram chanchin min zawt nasa a, rawn zin an châk a ni," a ti.

Jeje hian social media leh media dangah Mizoram tourism chanchin a thehdarh ṭhin dawn a ni.