IKK-in ITI-ah inkhawmpui an hmang

Mizorama Isua Krista Kohhran (IKK) tih hming pu kohhran pathumte'n inzawm khawm lehna tura an hmalakna kal mekah May 11, Zirtawpni zan aṭanga nizan thleng khan ITI Veng khelmualah Council Inkhawmpui vawi hnihna an hmang.

IKK Council hnuaiah hian Assembly pathum - Upper Republic Venga hmunpui nei te, Vaivakawna hmunpui neite leh Bualpui NG-a hmunpui neite an awm a; an inzawm khawm leh theih nan nikum khan Council Inkhawmpui an nei tawh a, kuminah inkhawmpui vawi hnihna an nei leh a ni.

Council Inkhawmpuiah hian Inrinni khan nilêngin ITI Veng biak-inah ro an rel a, Council Inkhawmpui chairman Upa Lalzahawma Chinzah-in a kaihruai. An rorel zingah, Council inrêlbâwl dan kalphung ennawn te, IKK pathumte inhman ṭâwm tur hla bu siam te, Council office hawng tura chak zawka hmalakte a tel.