YMA-in Tuirinia kal kaina tur an siam

Chalfilh Group YMA chuan nimin khan Tuirini luiah hnatlang an ko a, member 1,120 vel thawk chhuakin, Tuirini leiah lirthei kal kaina tur an siam.

Thu dawn danin, Chalhfilh Group YMA hnatlangah hian an group huam chhunga YMA branch 18 zinga branch 16 aṭangin member ṭhahnem tak an thawk chhuak a; Sunhluchhip leh Chhanchhuahna branch-te erawh an tel lo.

Chalfilh Group YMA hruaitute hnen aṭanga thu dawn danin, YMA hnatlangte hian Tuirini lei chim ta hêlna tura a hmaa hume pipe hmanga lirthei kal kaina tur siam tawh, tun hnaia tui a len deuh vanga chhe tawh chu an siam ṭha leh a; tun dinhmunah chuan luiah lirthei a kal kai thei a, motor lian rit phurte tan erawh kal kai a harsa rih a ni.