KHAWTHLIR

Souvenir tlangzarh
Chapchar Kût 2018 puala post-souvenir buatsaih chu nimin khan chief minister Lal Thanhawla'n Cabinet Room-ah a tlangzarh. Chief Minister chuan, Chapchar Kût Souvenir chu ṭhangtharte leh mipui náwlpuiin pi leh pute huna an nunphung leh khawsak dante an hriat chian lehzual a, hnam ro hlute vawnhimna leh chhawm nun zel a ṭulzia hriatna atana buatsaih a nih thu sawiin, ṭangkai taka hman a nih a beisei thu a sawi.

Minister-in tlawh
Fisheries leh Sericulture department changtu minister Vanlalawmpuii Chawngthu chuan May 14, Thawhṭanni khan Serchhip khaw chhehvela Sericulture leh Fisheries department hmalakna hrang hrangte a tlawh kual.

Heroin man
Champhaia Excise & Narcotics department enforcement-te chuan, nimin chawhnu dar 2 khan Champhai Zotlang­ah heroin gram 40.5 leh a neitua puh Malsaw­mdawngkima (31) s/o Lalnghinglova, North Khawbung nia inchhál an man. Malsawmdawngkima hi NDPS Act, 1985 tlawhchhanin thubuai siamsak a ni.

Sikul khâr zui zel
MSU sub-headquarters, Bairabi chuan Bairabi High School-a zirtirtu dah belh tura sorkar kar nana May 14, Thawhṭanni aṭanga Bairabi khua sorkar sikul zawng zawng an khâr chu nimin khan an la chhunzawm zel.

Crane-in delh
Nimin zing dar 8:30 vel khan Sialsuk leh Thenzawl inkarah crane-in Sanjoy Thapa (39) s/o TB Thapa, Masimpur, Silchar chu a delh a, Thenzawl damdawi-in thlenpui a nih hnuah a hliam tuar loin a thi. Sanjoy Thapa hi Tantia Constructions-a mechanic a ni a, Tantia camp-a an hnathawhnaah crane an test-na lamah chesual­in, crane-in a delh a ni.