Police-in fimkhur turin chah
Mizoram Police chuan thuchhuah siamin, Airport Authority of India (AAI)-a hna lâk chungchangah Mizo mipuite chu website www.aai.aero ah emaw, Employment News/Rojgar Samachar-ah emaw finfiah hmasa ṭhin turin an chah.
Police thuchuah chuan, tunlaiin AAI hmingin dik lo takin AAI-ah hna ruak a awm thu leh hna lem lâk chíng an awm tih a tarlang a, "Hna diltu mimal chanchin pawimawh tak tak zâwt chhuakin mi tam tak an bum bakah, an hnen aṭangin pawisa an la ṭhin a ni tih hriat a ni. AAI-a hna zawngte bum an nih loh nan AAI website www.aai.aero aṭang chauhin hna dilna thehluh tur a ni," an ti.