Tlai dar 6-ah New Market khâr tur

Aizawl New Market-a secondhand zuarte chu nimin aṭang khan Co­vid-19 laka invên nan an dawrte an khâr. Secondhand dawr 350 chuang khâr a ni a, 'Covid-19 laka mipui an him zawk nan kan tih ve theih chhun a ni,' an ti. New Market pumpui hi tlai dar 6-ah chuan khâr vek rih tawh tura tih a ni.

New Market Inspector chuan hriattirna chhuah­in, New Market chhung dawr/seat-te dar tlai 6-ah chuan khâr vek tawh tur a ni tih a tarlang a, "Tlai dar 5 hnu lam aṭang chuan inhmakhua lâwk vek tur a ni," a ti.

Market Inspector thuchhuak dangte

#    Dawr/seat-ah mi pakhat aia tam awm loh tur a ni.

#    Kutkawr (glove) fai leh hmai tuamna (face mask) vuah vek tur.

#    Thil zawrhte sarâng fíma khuh vek tur a ni.

#    Dawrah ṭhiante emaw, chhungkhatte ṭhut chawlhtir loh ni se.

#    Kan thil eina káwr paih darh loin fel taka fûn zel tur.

#    Kuhva eina chil chhah mai mai loh tur.

#    Hmunhma fai taka enkawl ṭheuh tur a ni.