Khawzawl Welfare-in chawimawi

Khawzawl Welfare Committee, Aizawl chuan nimin tlai khan Aizawl Press Club-ah tun hnaia Khawzawl tihmingṭhatu mi pathumte chawimawina hun an buatsaih a, bialtu MLA Lalrin­liana Sailo-in a hmanpui.

Khawzawl Welfare Committee-in an chawimawite hi Commonwelath Games 2018 Gold Coast, Australia-a neiha kg. 90 category-a pariatna Lalchhanhimi te; kum 2012-a MZP Inter High School Quiz-a Presbyterian English School, Khawzawl Vengthar Bial champion puitu leh Inter College Quiz Competition 2018-a Hrangbana College champion puitu Malsawm-kimi leh, HSLC 2018-a Mizoram puma pakuana JK Malsawmzeli te an ni.

Mi pathumte hnenah hian MLA Lalrinliana Sailo-in KWC chawimawina bakah, a mimalin Rs. 5,000 ṭheuh a hlan a ni.