MJA leh IPR dept.-in halpuah leh halmawi Khapna a hlawhtlin theih dan tur sawiho

Nimin khan Mizoram Journalist Association (MJA) hruaitute leh Information & Public Relation dept. (IPR) hotute chuan, IPR Director pisa-ah sorkarin hunpui vuakveta halpuah,halmawi, silai lem mu nei chi leh sky lantern a khap tura mipuite zirtir dan tur leh khapna a hlawhtlin theihna tura hmalakna tur pawimawhte an sawiho.

IPR director Lallianpuii chuan sorkarin hmalakna thar a neih changa mipuite zirtirna leh hrilfiahna kawnga MJA-ten sorkar ṭha taka an thawhhopui ṭhinnaah lawmthu sawiin, "Mipuite hmakhaw ngai tak chunga theihtawp in chhuah ṭhin hi a lawmawm a ni," a ti a, thawhhona ṭha neih chhunzawm zel a ṭul thu a sawi.

MJA president Zonunsanga Khiangte chuan sorkarin an chungah rinna a nghat ṭhin chu lawmawm a tih thu sawiin, "Mipuite tana ṭha tur leh an himna tur zirtirna kawngah chuan theihtawp chhuahin ṭan kan la ve reng dawn a ni," a ti.