Zangnadawmna cheng nuai 40 pek remti

Local/Village Level Task Force member, Covid-19 vanga thite hnena zangnadawmna pek chungchanga Claim Approval Board chu nimin khan an chairman Ramchuana, Finance addl. secretary hoin an ṭhukhawm a, zangnadawmna dilna panga lut zinga pahnih an pawm. Ex - Gratia Compensation Scheme hnuaiah zangnadawmna hi mi pakhatah cheng nuai 20 zel pek tur a ni.

Board chuan Aizawl district aṭanga dilna pathum zinga pahnih an pawm a, pakhat hi document tih chian ngai a la awm avangin pawm a la ni lo. Champhai leh Kolasib district aṭanga dilna pakhat ve ve pawh document fel tawk lo a awm avangin pawm a ni lo a, hengte hi document kimchang awm hunah ngaihtuah leh a ni ang.