PMFME Scheme hawng

Commerce & Indus-try (CI) minister Dr R Lalthangliana chuan nimin khan Assembly Annex II-ah Covid-19 hripui lengin eizawnna a nghawng dawmlet leh inkhaichhuahna tur 'Pradhan Mantri Forma-lisation of Micro Food Processing Enterprises (PMFME) Scheme' a hawng.

Dr R Lalthangliana chuan PMFME in a ken tel One District One Product Approach (ODOP) chu uluk taka district-a kalpui tur a nih thu a sawi a, "Tharchhuahte hralhna tur ngaihtuah bakah khawchhung intodelh thlai leh thei thlan chhuah thiam a pawimawh dawn a ni," a ti.

PMFME scheme chuan food processing entre-preneur tenau zawkte mumal zawka siam a tum thu sawiin Minister chuan,"An thil siam chhuahte awmze nei zawka hralh theih tura tih changtlun chu a tum ber a ni a, thlai leh thei thar chhuahte mumal zawkin a sawngbawltute nen a thlun zawm dawn," a ti a, Mizo ṭhalai hnathawk thei, mi tum ruh tak takte'n scheme hi ṭangkaipui ngei se a duhthu a sawi.

PMFME Scheme kalpui tur hian Commerce & Industries department chu State Nodal Agency a ni dawn a, State Project Management Unit atan MIFCO dah a ni.

He scheme hi indivi-dual entrepreneurs, farmers producers groups, co-operative societies leh self help groups-te'n ṭangkai taka an hman theih tura duan a ni.