Hnahthial dist.-ah raltlan 2,195

Nimin khan Hnahthial district chhungah Myanmar buaina avanga raltlan mi 20 an luhbelh a, anni nen hian he thuziah lai thleng hian Hnahthial dist.-ah hian raltlan 2,195 an awm.

Hnahthial DC pisa chhinchhiah danin, Myanmar aṭanga rawn raltlan mi 2,195 zingah hian 378 chu chhungkua an ni. Raltlan awm tamna ber Thingsaiah chuan mi 889 an awm mek.

Raltlan awmna khaw dangte chu - Cherhlunah 168, Bualpui 'H' ah 151, Ngharchhipah 162, New Ngharchhipah 439, Tarphoah 92, South Chawngtuiah 25, Khawhriah 68, Tuipui D-ah 35, South Van-laiphaiah pariat leh Hnahthialah 158 a ni.