Covid-19 vangin mi pathum an thi

15th October, 2021

October 13, tlai dar 5 aṭanga nimin tlai dar 5 chhung khan Mizoramah Covid-19 vangin mi pathum an thi a, Mizorama Covid-19 vanga thi chu 373 an tling tawh.

C Lalthianghlimi (74), Tuikual South chu nimin zing dar 2:30 khan ZMC-ah a thi. September 27 khan hri a kai tih hriat chhuah niin October 1 khan ZMC-ah dahluh a ni.

Nimin zing dar 6:45 khan Ramthianghlima (34), Bungkawn Vengthar chu ZMC-ah a thi. October 3 khan hri a kai tih hriat chhuah niin October 5 khan ZMC-ah dahluh a ni a, natna dang nei tel a ni.

R Lalchungnunga (62), Ramthar Veng, Aizawl chu nimin zing dar 7:40 khan ZMC-ah a thi a, natna dang neisa a ni. October 9 khan hri a kai tih hriat chhuah niin October 10 khan ZMC-ah admit a ni.