Vote nei tharte tan football match buatsaih

Systematic Voters Education and Electoral Participation (SVEEP) hmalaknain Serchhip District Election pisa chuan nimin khan Serchhip Sport Stadium-ah vote nei tharte leh voter naupang zawkte tan football match a buatsaih a, district election officer (DEO) Kumar Abhishek, bawrhsap in a hmanpui.

Kumar Abhishek chuan vote thlak hi kum tling chin tan tihmakmawh leh mawhphurhna a nih thu a sawi a, "Vote thlak thei tawh khua leh tuite'n electoral roll-a hming an thun ngei theih nana hmalak leh roll-a chuang tawh khua leh tuite'n inthlannaa vote an thlak ngei theih nana hmalakte hi SVEEP thil tum a ni," a ti

SVEEP programme kaltlangin doorstep enrollment kalpui mek a nih thu sawiin DEO chuan January 1, 2021-a kum 18 tling tur chin tan phone number 6909702642-ah mahni hming, nu leh pa hming leh address thawn theih a nih thu leh ni hnih chhungin bialtu BLO-te'n enrollment tih sak turin an pan nghal zel dawn tih a sawi bawk.