HSSLC-ah zirlai 11,802 zinga 9,500 an pass

Mizoram Board School Education (MBSE) chuan, Higher Secondary School Leaving Certi­ficate (HSSLC) Exami­nation 2018 result chu nimin khan an tichhuak a, zirlai exam 11,802 zinga 9,500 an pass. Pass percentage chu 80.49 a ni a, nikum 2017-a pass percentage 72.17 aiin a sang zawk.

Kumin HSSLC Exa­mination-ah hian exam hmachhawntu zirlai 11,802 awmin, regular student 11,506 leh private-a exam mi 296 an ni a; pass zawng zawng zirlai 9,500 zinga a tam zawk 4,912 chu hmeichhia niin, mi 4,588 chu mipa an ni.

Regular-a exam zingah 9,367 (81.41%) pass in, private candidate 296 zinga 133 (44.93%) an pass.

Zirlai pass 9,500 zinga 455 chu distinction-ah an pass a; first division-ah 3,220, second division-ah 3,988 leh third divi­sion-ah 1,847 an pass.

Compartmental chance nei zirlai 107 an awm a; fail zat chu zirlai 2,096 an ni. Zirlai pass vekna sikul Arts-ah 31, Science-ah pali, Commerce-ah paruk leh Vocational-ah paruk an awm.

Compartmental chance neite tan MBSE chuan June 21, 2018-ah Aizawl leh district khawpui tina centre pakhat ṭheuhah exam a buatsaih dawn a, June 1, thleng centre superintendent hnenah exam form thehluh theih a ni ang.

Arts stream bikah zirlai exam 8,977 zinga 7,111 (79.21%) an pass a, mi 1,732 an fail. Distinction-ah mi 286, first division-ah 1,948, second division-ah 3,139 leh third division-ah 1,734 pass in, compartment chance nei mi 134 an awm.

Science-ah zirlai exam 2,013 zinga 1,751 (86.98%) an pass a, zirlai 213 an fail. Distinction-ah mi 95, first division-ah 981, second division-ah 622, third division-ah 53 pass in, compartment chance nei mi 49 an awm a ni.

Commerce-ah zirlai 431 zinga 396 (91.88%) an pass a, zirlai 30 fail in, compartmental chance nei zirlai panga an awm. Distinction-ah mi 57, first division-ah 163, second division-ah 127 leh third division-ah 49 an pass.

Vocational subject-ah zirlai 381 zinga 242 (63.52%) an pass a, zirlai 121 an fail. Distinction-ah zirlai pasarih, first division-ah 128, second division-ah 100 leh third division-ah pasarih an pass a; compartment chance nei mi 18 an awm.

Vocational subject-te hi - Computer Technique, Computer Sofware Application, Commercial Garment Designment & Making, Horticulture, Medical Laboratory Technician, Automobile Engineering Technology leh Serculture-te a ni.

Arts stream-ah hian sorkar sikulah 76.40%, deficit school-ah 93.54%, aided school-ah 89.08%, lumpsum school-ah 90.76% leh private school-ah 77.85% an pass a; private candidate zinga 47.13% an pass. Science-ah chuan sorkar sikulah 73.62%, deficit school-ah 95.04%, aided school-ah 92.86% leh private school-ah 90.26% an pass a; private candidate zinga 50% an pass bawk. Commerce-ah chuan sorkar sikulah 88.14%, deficit school-ah 96.72% leh private school-ah 91.10% an pass a ni.

Hetih lai hian, Old Scheme-ah Arts leh Science-ah zirlai exam an awm nual a; Arts-ah zirlai 423 zinga 158 pass in, pass percentage chu 37.35 a ni. Science-ah zirlai exam 42 an awm a, chung zinga 17 chu an pass a, pass percentage chu 40.48 a ni.

ARTS
1-na C Vanlalremruati, Home Missions School
2-na Jimmy Vanhmingliana, Oikos HSS, Aizawl
3-na Lalpianpuii, Synod HSS
4-na Ruthi Lalthanzuali, Synod HSS
5-na Lalngaihawmi, KV Multipurpose School

SCIENCE
1-na Angela Vanlalhmangaihi, St.Paul's HSS
1-na Nafisa Barlaskar, St.Paul's HSS
2-na Ruthi Lalrinawmi, St.Paul's HSS
3-na Anamika Dey, St.Paul's HSS
4-na K Lalrinpuii, St.Paul's HSS
5-na Lalnuntluanga Chenkual, St.Paul's HSS

COMMERCE
1-na K Lalthansanga, St.Joseph HSS, Aizawl
2-na Philip Lalremtluanga, St.Paul's HSS
3-na H lalrohlua, Oikos HSS, Aizawl
3-na Bishal Dey, St.Joseph HSS, Aizawl
4-na Vallalruati, St.Joseph HSS, Aizawl
5-na Lalṭhazuali, Mizo HSS

VOCATIONAL
1-na Lalhriatkimi, Mamawii HSS
2-na R Laltlanmawii, Saitual HSS
3-na C Lalhundika, Zemabawk HSS
4-na Lalhmangaihsanga, Zemabawk HSS
5-na Reuben Lalhruaizela, Oxford HSS, Aizawl