Ka chhunga cancer vei leh vei loh enna khawl hawng

Ka chhunga cancer vei leh vei loh enfiahna khawl 'Low Cost Illuminated Magnifying Device for Pre Cancer and Early Cancerous Lesions of Oral Cavity' chu nimin khan Parish Hall, Kolasibah Indian Society on Tobacco and Health, Mizoram Chapter president Lal Riliani'n a hawng.

Inkhawma tarlan a nih danin, khawl hawn tak hmang hian ka chhunga cancer natna cell awm leh awm loh a enchhin theih dawn a, mi pakhat en nan minute 2 vel hun a duh dawn a, ken kual awlsam tak (highly portable) niin current awm loh pawhin battery hmangin hna a thawk thei a ni.