Leiba nei tlem pawl kan ni - Hawla
Aizawl South-II Block Congress chuan nimin khan Kulikawn YMA Hall-ah khawmpui an hmang a, an hun hmanpuitu MPCC president Lal Thanhawla chuan, "MNF-in kum 10 an sorkar chhunga an leibat leh an chen kan rul vek tawh a, India ram state zinga leiba nei tlem pawl kan ni," a ti.
MPCC President chuan thudik chanve sawi a, mipui bum ṭhin leh bum tum mekte Zoram mipuite'n an hriat a pawimawh thu sawiin, "NLUP a ṭhat em avanga hek ṭhintute pawh hi Zoram mipuiten rethei leh pachhiate dawm kan na haw tlat tu te an ni tih hria a, Zoram mipuite an hmangngaih em tih kan chhun a hun tawh,"," a ti.
MNF-te chu sorkar leh an duh luatah an term tawp dawnah sum pawh awm loin, ṭawngkain district pathum an pek bakah, sikul 400 chuang an upgrade thu sawiin Lal Thanhawla chuan, "State dang pawn an tih duh loh IR battalion pathum an party mi te chauh thun nan an din bawk. He ti chung hian Congress chuan MLA 32 neiin sorkarna ka siam a ni," a ti bawk.