VK Singh-an NKorea a tlawh

Minister of State for External Affairs VK Singh chu ni hnih cham turin Ningani khan North Korea-ah a zin a, North Korea Foreign Minister Ri Yong Ho leh hruaitu dangte a kawm.

Ningani-a Ri Yong Ho nena meeting an neihah, MoS VK Singh hi Korean Peninsula-a hmasawnna hrang hrang awmte hrilh a ni a, Singh pawhin ram pahnihten inlaichinna ṭha an neih a duh thu a sawi. NKorea hruaitue pawhin India himna tiderthawng thei thil thlen tir an duh loh thu an sawi bawk.

VK Singh hi kum 20 dawn hnuah union minister zinga NKorea ram tlawh hmasa ber a ni. India leh NKorea hian kum 1973 atang khan palai an lo intirtawn tawh a ni. Singh hi NKorea sorkar sawmna anga zin a ni a, Vice President of the Presidium of the Supreme People’s Assembly Kim Yong Dae, Foreign Minister Ri Yong Ho, Minister of Culture Pak Chun Nam leh Vice Foreign Minister Choe Hui Chol te a kawm a ni.