MZP-in ILP seminar buatsaih

MZP chuan nimin khan an pisa conference hall-ah Inner Line Permit (ILP) zir chianna hun an buatsaih.

Home department-a additional secretary Lalbiakzama leh MZP president L Ramdinliana Renthlei ten thu an sawi bakah, MZP legal adviser Lalpianfela Chawngthu-in ILP chungchanga paper a buatsaih a chhiar a; zawhna leh chhanna hun hman a ni.

Lalbiakzama chuan, Mizote harh a hun tawh thu sawiin, "Kan ṭhenawm state dang chîmralin an awm mek a, an dinhmun anga kan din hma hian kan harh chhuah vat a ngai. Keimahni inhung bikna ILP kan neih hi thiam taka kan hman a ngai a, ILP guideline kan neihte hi a sponsor-tute hian hmang fimkhur ila, dan kan zawm tlan hian keimahni tan pawh a ṭha a, hnam dang tan pawh a ṭha a ni," a ti a; Mizo hming hawha hnam dang sumdawntir an awm ṭhin chu pawi a tih thu a sawi.