Pawngsualtu kum 10 táng dawn

Hmeichhe naupang kum tling lo pawngsualtu, Khamsavunga, Ngur, Champhai district-a awm ṭhin chu Champhaia special judge R Vanlalena chuan kum 10 chhung táng tur leh Rs. 9,000 chawi turin a hrem.

Champhai Police aṭanga thu dawn danin, December 10, 2014 zan dar 8-9 vel khan hmeichhe naupang kumtling lo chu a chhungte an lên hlanin Khamsavunga hian a pawngsual a ni. He thubuai hi Champhai Police-a sub-inspector Zonunsanga'n chhui zuiin, pawngsualtu hi man a ni a, a pawngsual ngei a ni tih finfiahna hmuh a ni.