Tribal Development Project hawng

NABARD leh NEIDA hnuaia TATA Trusts ṭangkawpte'n an kalpui, Tribal Development Project chu nimin khan Thangburha Hall, East Lungdarah bialtu MLA Vanlalawmpuii Chawngthu-in a hawng. Project hi East Lungdar RD block chhunga khaw pali-ah kum ruk chhung kalpui tur a ni.

Vanlalawmpuii Chawngthu chuan, project hnuaia hmalakna hlawhtling taka kalpui a nih theihna atan ṭanpuina dawng hmasatute'n hlawhtling takin kalpui se a duh thu a sawi a, "Kan thil dawnte hi a nihna tur ang taka hmang a, keimahni, kan chhungkua leh kan ram tana ṭangkai a ni tih hre chunga theihtawp kan chhuah loh chuan project thil tum hi kan ṭhelh ang tih a hlauhawm a ni," a ti.

Vanlalawmpuii Chawngthu hian project-in a huam khaw pali - East Lungdar, North Mualcheng, North Vanlaiphai leh Khawlailung V/C-te hnenah project hnuaia ṭanpuina - hlo thlawhna khawl pali ṭheuh, sprayer pali ṭheuh a hlan. Serthlum ṭiak 20,000 leh thingfanghma ṭiak 20,000 chu khaw paliah hian NEIDA-in an sem chhunzawm dawn a ni.

NABARD general manager RK Srivastava chuan, India rama NABARD-in thingtlang mite hmasawnna hna a thawh tlangpuite a tarlang.