Dy. CM-in central secretary-te a kawm

Ningani zan khan dy. chief minister Tawnluia chuan Ministry of Jal Shakti secretary Pankaj Kumar leh Ministry of Housing & Urban Affiars secretary Durga Shanker Mishra-te an pisa-ah a kawm.

Tawnluia chuan Pankaj Kumar hnenah hian Jal Jeevan Mission chak zawka kalpui a nih theih dan tur sawiin, sanction hmabakte a hma lama lo bawhzui turin a chah.

Mizoram khaw ṭhenkhata Rainwater Harvesting Project proposal-te pawh Dy. CM hian sawipuiin, hma la turin a ngen. Tlawng River Rejuvenation leh Reiek Water Harvesting Dam project-te pawh an sawi dun.

Dy. CM hian MoHUA secretary Durga Shanker Mishra hnenah PMAY Housing For All hnuaia ministry aṭanga sanction hmabakte chak zawka Mizoramin a hmuh theih nan bawhzui turin a chah.

AMRUT hnuaia Sanction hmabakte Dy. CM-in sawilangin, hengte hi Durga Shanker chuan release nghal a nih tur thu a hrilh. Scheme thar pahnih Swachh Bharat Mission 2.0 leh AMRUT 2.0 a hmalak chhoh dan tur pawh Dy. CM leh MoHUA Secretary hian an sawi dun a ni.

Dy. CM hi Delhi Mizoram House RC Amjad Tak leh a PS Zoramsiama Hmar-te'n an ṭawiawm. Ministry pahnih changtu minister-te an awm loh ve ve avangin Dy. CM hian secretary-te a kawm a ni.