Khawmpuiah Central YMA-in zau zawka inrawnkhawm rel

Central YMA CEC chu nimin khan an president Vanlalruata hoin an committee room-ah an ṭhukhawm a, general conference chungchangah zau zawka inrawnkhawm ṭha an ti.

CYMA CEC chuan general conference chungchangah hian November 10, 2021 hian Central Coordination Committee (CCC) koh a rel. Hruaitu thlan kum a nih avangin returning officer atan Vanlalruata president leh asst. returning officer atan J Lalsailova, CEC an ruat nghal.

Myanmar raltlante ṭanpuina atan cheng nuai 22 chuang dawn tawh a nih thu tarlan niin, chhawmdawlna pek chhuah dan tur chu raltlan tanpuitu committee kutah dah a ni.