Tui siamna khawl thar hawn a ni

Aquaplus Package Drinking Water-in Lengte rama tui thianghlim in tur siamna khawl an bun chu nimin khan Mizoram Industries Owner Association (MIOA) president F Rodingliana'n a hawng.

F Rodingliana chuan, Mizote'n hnam rilru kan put deuh deuh a, keimahni siam chhuah kan hlut thiama kan inchawikan tawn a ngaih thu sawiin, "Chutih rualin, industry neitute pawhin fimkhur leh uluk taka an thil siam chhuahte an enkawl a ṭul," a ti.

MIOA President chuan Mizoramin package drinking water-ah hma a sawn thu sawiin, "Tunah hian tui siamna khawl hi vawiina a hawn nen hian pasarih lai bun a ni tawh," a ti a, la buaipui mekte pawh an awm thu a sawi.

Khawl hawn tak hi darkar khata litre 2000 siam thei a ni.