Covid-19: Mizoram dinhmun ; Hri vei 901 hmuh belh

October 14, Ningani khan Mizoramah Covid-19 hri vei 901 hmuh chhuah a ni a; nimin khan tlai dar 5 thlengin district pariatah hripui laka fihlim tawh mi 905 chhuahtir an ni.

Ningani thlenga Mizorama Covid-19 vei hmuh tawh zawng zawng chu 1,10,719 a ni a, mi 376 in an thihpui tawh a ni.

IDSP record angin, Mizoramah Covid-19 vei 1,10,719 hmuh chhuah a ni tawh a, mipa 54,191 leh hmeichhia 56,528 an ni. Nimin tlai dar 5 thleng khan mi 97,649 (88.19%) chhuahtir an ni tawh a, mi 376 (0.34%) thi tawhin, enkawl mek mi 12,694 (11.46%) an awm.

October 14-a Covid-19 vei hmuh thar 901-te chu RAT hmanga hmuh 610, RT-PCR hmanga hmuh 190, TrueNAT hmanga hmuh 85 leh Fluorescent Immunoassay (FIA) hmanga hmuh 16 an ni a; mipa 424 leh hmeichhia 477 niin an zinga mi 460 (51.05%) in symptoms an nei.

Nimin khan tlai dar 5 thlengin hripui laka fihlim tawh mi 905 chhuahtir an ni a; Aizawl district-ah mi 626, Lawngtlai district-ah mi 100, Champhai district-ah mi 74, Kolasib district-ah mi 43, Serchhip district-ah mi 29, district-ah mi 23, Saitual district-ah mi pakua leh Khawzawl district-ah mi pakhat an chhuak.

Nimin zinga sorkar laipuiin Covid-19 dinhmun a tarlan danin, Mizoram chu hri vei tawh zawng zawng aṭanga hri laka fihlim tawh, enkawlna aṭanga chhuahtir tlem berna state a ni.