SEDP hnuaiah a theih chen chenah hma kan la dawn - Dr R Lalthangliana

MNF adviser Dr R Lalthangliana chuan nimin khan Lungdai, N Chaltlang VC-1 & VC-II, Bukpui, Lungmuat, Nisapui, Serkhan, Zanlawn leh Hortoki-ah khawtlang hruaitute a kawm a, a theih chen chenah SEDP hnuiah hma an lak dawn thu a sawi.

Dr R Lalthangliana chuan nimin lawkah party Leader pakhat chuan 'SEDP an sem dawn lo' a ti tih thu sawiin, "SEDP pawh a theih chen chenah hma kan la zel ang. Budget thar lo awm turah chuan SEDP lam hawia kalin, tihhlawhtlina kalpui ngei kan tum mek a ni. Tu pawh rulling candidate ni loten thiltiam an neih hian tihhlawhtlin theih a ni ngai lo. Keini pawh khan kum 10 eptu lamah kan awm lai khan engmah kan ti thei lo a, tuna rawn tiam ve ngawttu che u hian an tihsak thei lo ang che u tih in lo hriat ka duh a ni," a ti.

MNF Adviser chuan Covid 19-in hun engemaw chen min tihbuai hnuah a kiam ve mek zel beisei a nih thu sawiin, "Hma kan la zel dawn a ni. Kumthar aṭang chuan Covid-a kan sum hmante pawh a ziaawm tawhin kan ring a, khawl tharte pawh kan lei zo thawkhat tawh. Helaia MLA candidate pakhatin chhungtin hnenah cheng singli nga pek a tiam tihte kan lo hre thawi a, a mimal ang chuan thil theih lohah ka ngai, vote zawnna mai mai a ni tih lo hria ang che u," a ti a, an party chu a chahbi kawltu an nih thu a sawi.