MNYF-in political campaign buatsaih

Tuirial East Block MNYF chuan nimin khan Bukpui khua-ah political training an buatsaih a, MNF adviser Lalruatkima leh MNYF president Lalrinawmate'n an hmanpui.

Lalruatkima chuan bialtu MLA Andrew H Thangliana a boral avanga by-election neih a ngai chu pawi a tih thu sawiin, "A vui tuk lawkah Tuirial bial hi bial ruaka puan a ni kha sorkar thuneihna ni loin Assembly thuneihna a ni a, ṭum danga an tih angin dan angin an ti mai a ni. He bial hi MLA hrang hrang mi ṭha tak takten an lo bial tawh ṭhin a ni. Keini MNF party pawhin kan hma lawka by-election atan Pu K Laldawngliana kan rawn thehchhuak a, ani hi Dinthar Veng YMA President leh Mizofed Chairman ni lai a ni," a ti.

MNYF President chuan ṭhalai politician kan neihte zinga mi Andrew H Thangliana hun lo taka a thi chu MNYF chuan pawi an tih takzet thu sawiin, "Pu Andrew-a kha kuthnathawktute ngai pawimawh mi tak mai a ni a, a vei thu pawh vawi tam tak a sawi ṭhin. Pu Andrew-a vei zawngte hi MNF chuan kan ngai pawimawh a, a hmachhawpte chhunzawm turin kan hotute hnenah kan thlen dawn a ni," a ti a, by-election a lo awm takah chuan, party tinte'n an thil tum, policy tihhlawhtlin tuma theihtawp chhuah chu an tihdan a nih thu a sawi.