Ministry of Home Affairs hotute'n Mizoram leh Assam official-te an kawm

18th October, 2021

Ministry of Home Affairs (MHA) hotute chuan nimin khan Vairengte daia CRPF ho awmna hmunah Mizoram leh Assam sorkar official-te an kawm a, ramri chungchang an sawipui.

Inkawmnaah hian Mizoram sorkar official-te chu Home secretary Vanlalngaihsaka'n hoin, Assam lam chu Cachar DC hoin an rawn thawk chhuak nia thudawn a ni. Inbiakna neih zawh hian MHA hotute leh Assam official-te chu an haw lehnghal a, Mizoram official-te chuan Aitlang hmuna Mizoram police duty-te an tlawh a ni.

Home Secretary hian October 16, Inrinni khan Buarchep leh Saihapui V-a police duty a tlawh a, an dinhmunte a enfiah.