Themthiamna hmanga intihsiakna-a India aiawh tur thlanna-ah tel dawn
Themthiamna hmanga intihsiakna lian ber 'World Skills Competition 2022', Shanghai, China-a neih tura India aiawh tur thlanna kal zelah Inrinni khan regional competition-a tel tur Mizoram ṭhalai mi 15-te chu vailiam an ni.
Mizoram aiawh turte vailiamtu Labour, Employment, Skill Development & Entre-preneurship (LESDE) secretary Lalramsanga Sailo chuan Mizoram aiawha feh chhuak turte chu hlawhtlinna chang ngei turin duhsakna a hlan a, LESDE director K Lalhmingliana pawhin thu a sawi.
LESDE chuan State Level Skills Competition trade 12 hmanga buatsaihin, state hrang hranga tiṭhate chu October 20 hian Regional Skill Competition, Bihar-ah an intihsiak leh dawn a ni.
Mizoram aiawh tur mi 15 te hi trade 11 - bakery, beauty therapy, hair dressing, electrical installation, welding, carpentry, fashion technology, painting & decoration, floristry, hotel reception leh plumbing & heating-ah te an intihsiak dawn a, LESDE aṭangin official paliin an kalpui.