Lirthei intlanchhawk dan tur thar

Traffic SP chuan October 16 khan October 17 aṭanga October 31, 2021 chhunga Aizawl Municipal Corporation (AMC) huam chhunga lirthei intlanchhawk dan tur thar a ti chhuak.

Intlanchhawk hian zing dar 9:30 aṭanga tlai dar 4 thleng a huam. Pathianni leh curfew hun chhung (zan dar 8 aṭanga zing dar 4) chuan phalna nei lote chu eng lirthei mah tlan chhuah phal a ni lo thung.

Tlan lohnia office kal tur, dawr nghak tur etc.-te chu kawng laka harsatna an tawh lohna atan zing dar 9:30 hmain, office, dawr emaw an kal duhna hmun thleng hman tura ngen an ni.

City bus-te chu Aizawl City Bus Owners Assosciation (ACBOA) in routine an siam angin an tlan thei ang. Amaherawhchu, nikhatah bus 80 aia tam lo an service a ngai. Sorkar order angin lirtheiah registration-a seating capacity tarlan bak chuan phal a ni lo. Lirthei khalhtute leh an phurhten hmai tuamna an vuah vek tur a ni a, passenger-te hman tur hand sanitizer an pai reng tur a ni.

Damlohna leh chhiatna thilah chuan m-Pass traffic kal tlangin Superintendent of Police, Traffic hnenah a dil theih ang. Thupek zawmlo mante chu Section 179 MV Act, 1988 leh Section 5(9) of The Mizoram(Containment and Prevention of the Spread of Covid-19) Act, 2020' hmanga hrem tur an ni.

Intlanchhawkin a huam lohte
• Governor, Chief Minister, Speaker (an carcade tiamin) leh MLA-te
• Gauhati High Court Judge te, court-a hnathawkte, court hnuaia practising advocate office kal turte
• Home department (Police, Fire & Emergency Services, MRHG&CD, Prisons, FSL), Excise & Narcotics duty
• Medical & Hospital duty, ambulance/morgue van
• Executive magistrate law and order duty leh emergency duty
• Disaster Management hnuaia emergency duty
• Print & Electronic media-a thawkte
• PHE/PWD/P&E department hnuaia operation leh maintenance duty
• Army leh Para-Military Force
• Government department/office despatch rider
• Sahuan (Zoo) duty
• ATM services
• AMC hnuaia bawlhhlawh paih motor
• LLTF/VLTF duty (duty ID nei)
• Rualbanlote tana special vehicle
• Kohhran hminga lirthei register
• Inkhawm tur lirthei
• Bawnghnute sem, chanchinbu sem
• Passenger phur maxi cab/sumo service Aizawl aṭanga chhuak leh khaw dang aṭanga rawn lut