Hri vei 1,880 hmuh belh a ni

October 15, Zirtawpni khan Mizoramah Covid-19 vei mi 932 leh October 16, Inrinni khan mi 948 hmuh belh leh a ni a, ni hnih chhungin mi 1,880 hmuh belh a ni. Inrinni khan hripui vei dam tawh mi 718 leh nimin khan mi 778 chhuahtir an ni a, Inrinni khan mi pathum an thi a, nimin khan tlai dar 5 thlengin Covid-19 vanga thi tarlan a awm lo.

Covid-19 vei October 15-a hmuhte chu ZMC laboratory-a hmuh chhuah 399, TrueNAT hmanga hmuh 45, RAT hmanga hmuh 476 leh Fluorescent Immunoassay (FIA) hmanga hmuh 12 an ni a; October 16-a hmuh belhte chu ZMC-a hmuh 253, TrueNAT hmanga hmuh 39, RAT hmanga hmuh 640 leh FIA hmanga hmuh 16 an ni. Ni hnih chhunga hmuh tharte hi mipa 887 leh hmeichhia 993 an ni.

October 15, Zirtawpnia Covid-19 vei hmuh thar mi 932-te chu symptom nei 402 (43.13%) leh nei lo 530 (56.86%) an ni a; Inrinnia Covid-19 vei hmuh thar mi 948 zinga 441 (46.51%) chu symptom nei leh 507 (53.48%) chu symptoms nei lo an ni.

IDSP record angin, Mizoramah Covid-19 vei 1,12,599 hmuh chhuah a ni tawh a, mipa 55,078 leh hmeichhia 57,521 an ni. Nimin tlai dar 5 thleng khan mi 1,00,218 (89%) chhuahtir an ni tawh a, mi 383 (0.34%) thi tawhin, enkawl mek mi 11,998 (10.65%) an awm.

October thla ni 16 chhungin hripui vei mi 18,939 hmuh a ni tawh a, chawhrualin ni tin mi 1,183.68 hmuh chhuah an awm ziah ang a ni a; mi 74 thi tawhin chawhrualin ni tin mi 4.62 thi ziah ang a ni bawk. Kum 2011 chhiarpui aṭanga chhûtin Mizorama Covid-19 vei hmuh tawh 1,12,599 chu mi 1,000 zelah hripui vei mi 102 an awm ang a ni a; mi 1,00,000 zela Covid-19 vangin mi 35 an thi tawh ang a ni.

Nimin khan tlai dar 5 thlengin hripui vei dam tawh mi 778 chhuahtir an ni a; Aizawl district-ah mi 599, Champhai district-ah mi 42, Mamit district-ah mi 35, Lunglei district-ah mi 33, Lawngtlai district-ah mi 25, Serchhip district-ah mi 18, Kolasib district-ah mi 15, Khawzawl district-ah mi paruk leh Hnahthial district-ah mi panga an chhuak. Mizorama Covid-19 vei hmuh chhuah hmasak ber chu March 24, 2020-ah hmuh chhuah a ni.