Mizorama Covid-19 vanga thi 383 zinga 320 chu natna dang nei tel an ni

October 16, Inrinni khan Mizoramah Covid-19 vangin mi pathum an thi a, nimin khan tlai dar 5 thlengin Covid-19 vanga thi report tarlan a awm lo. Mizorama Covid-19 vanga thi zawng zawng chu 383 a tling tawh a, heng zinga 320 chu natna dang nei tel (co-morbidities) an ni.

Nimin zinga sorkar laipuiin India rama Covid-19 dinhmun a tarlan danin, Mizoram chu India rama hri vei hmuh chhuah tawh aṭanga thihpui tam lamah a tawp ber dawttu (0.34%) leh hmarchhak state-ah hri vei hmuh tawh aṭanga thihpui tlem berna a ni.

Lalthannguri Tochhawng (63), Mission Veng chu October 15, Zirtawpni chawhnu dar 1:50 khan ZMC-ah thi a, natna dang nei tel a ni. October 5 khan hri a kai tih hriat chhuah niin hemi ni vek hian ZMC-ah admit nghal a ni.

J Sapchhunga (83), Dam Veng, Aizawl chu October 15, Zirtawpni chawhnu dar 1:05 khan ZMC-ah a thi a, natna dang neisa a ni. September 28 khan hri a kai tih hriat chhuah niin hemi ni vek hian ZMC-ah dahluh a ni.

Thangchhuana Sailo (59), Kolasib chu October 15, Zirtawpni zan dar 7:30 khan ZMC-ah a thi a, natna dang nei tel a ni. October 6 khan hri a kai tih hriat chhuah niin October 7 khan ZMC-ah admit a ni.

Lianhleia (80), Tuirial Airfield chu October 15, Zirtawpni zan dar 11 khan ZMC-ah a thi. October 5 khan hri a kai tih hriat chhuah niin hemi ni vek hian ZMC-ah dahluh nghal a ni.

Zothanmawia (71), Chhippui khua chu October 16, Inrinni zing dar 3:15 khan W Phaileng CCC-ah a thi. October 15 khan hri a kai tih hriat chhuah niin hemi ni vek hian CCC-ah dah a ni.

S Salaia, Chawnhu, Lawngtlai chu October 16, Inrinni tlai dar 5:45 khan Lawngtlai DCHC-ah a thi a, natna dang nei tel a ni. October 4 khan hri a kai tih hriat chhuah niin October 5 khan DCHC-ah admit a ni

Mawsi (68), Tokalo, Siaha district chu October 16, Inrinni zan dar 7:46 khan ZMC-ah a thi a, natna dang neisa a ni. September 22 khan hri a kai tih hriat chhuah niin MINECO DCHC aṭangin October 8 khan ZMC-ah sawn a ni.