Lirthei tlan khap

Aizawl SP chuan NH-54 kawng laih zauh leh siam ṭhat hna thawh mekah Tlungvel - Phulmawi khaw inkara Tlungvel quarry chu lung halna leh khawl lian hmanga thawh ngai a nih avangin kawng hmangtute him nan leh hnathawktuten tluang taka hna an thawh theih nan vawiin aṭanga chhiara ni 30 chhung zan dar 11 aṭanga zing dar 5 thleng helai hmunah hian lirthei tlan khap a nih thu a puang. Hemi hun chhunga Aizawl aṭanga Serchhip pan tur leh Serchhip aṭanga Aizawl pan turte chu Khumtung - Paikhai by-pass kawng lama kal turin hriattir an ni.