Serchhip YMA-in râltlân an ṭanpui

YMA Sub-Headquarters, Serchhip chuan Myanmar buaina avanga Mizorama ráltlânte ṭanpuina leh chhawmdawlna tur an dawn khawmte chu nimin khan YMA branch pakuaah an sem.

Serchhip Sub-Hqrs. YMA hian ráltlânte chhawmdawlna atan hian sum bakah, ei tur leh mamawh hrang hrang ṭhahnem tak an dawng a, branch pakuaah an sem a ni. Ṭanpuina sem turte chu Serchhipa Sub. Hqrs. YMA office aṭangin president Kawlṭhuama'n a vailiam a, Zo hnahthlak manganga Mizorama rawn ráltlante chhawmdawlna tura thilpek chi hrang hrang petute chungah an lawm thu a sawi.

Ṭanpuina hi Serchhip Sub-Hqrs. YMA huam chhunga YMA branch panga - North Vanlaiphai Venglai, N Vanlaiphai Damdawi Veng leh Leng branch-te hnenah Rs. 10,000 ṭheuh leh Sailulak leh Lungkawlh branch-te hnenah Rs. 5,000 ve ve an pe a; an huam páwna branch pali - Cherhlun, New Ngharchhip, Ngharchhip leh Thingsai hnenah Rs. 5,000 ṭheuh an pe bawk. Pawisa bakah buhfai, ei tur, thawmhnaw leh mutbu an hlan tel vek bawk a ni.