Mizoramah Covid-19 vangin mi 392 an thi tawh

October 18, Thawhṭanni tlai dar 5 aṭanga nimin tlai dar 5 thleng khan Mizoramah Covid-19 vangin mi pali an thi a, nimin tlai dar 5 thlengin Mizoramah Covid-19 vangin mi 392 an thi tawh.

C Kapmawia (84), Sethlun, Lunglei chu October 18, Thawhṭanni zan dar 8 khan State Referral Hospital (ZMC)-ah a thi a; October 3 khan Covid-19 positive a ni hriat chhuah niin, October 9 aṭangin SRH-ah enkawl a ni.

Thawhṭanni zan dar 10:10 khan Vanlalruaia (70), Champhai Kahrawt chu Champhai DCHC (District Hospital)-ah a thi a, natna dang nei tel a ni. Covid-19 vei a ni tih October 15 khan hmuh chhuah a ni a, Champhai DCHC-ah dah luh nghal a ni.

P Lalchhunga (90), Theiriat, Lunglei pawh October 18 zan dar 11:50 khan Lunglei Pukpui DCHC-ah a thi a; Covid-19 positive a ni tih October 17 khan hmuh chhuah a ni a, DCHC-ah dah luh nghal a ni.

Nimin chawhnu dar 3:20 khan KT Chianga (73), Ṭhuampui chu SRH-ZMC-ah a thi. Covid-19 vei a ni tih October 12 khan hmuh chhuah niin, SRH-ah dah luh nghal a ni a; natna dang nei tel a nih thu sorkar