Minister-in lei chêtna hmun a tlawh

Minister of state TJ Lalnuntluanga, Champhai South bialtu MLA ni bawk chuan nimin zing khan Champhai Kanan Venga Aizawl panna kawngpui kama lei che ṭhin a enfiah a; project lian leh tlo tham tur siam vat a nih theih nan hma la thuai turin PWD hotute a hrilh.

TJ Lalnuntluanga hian sorkar hotute leh khawtlang hruaitute nen hmalak dan tur an sawiho a; Kanan Venga lei chê leh Lersia Field, Ruantlanga lei che ṭhina hmalak dan turah hna lian leh daih rei tur ni lo hmanga hmalak aiin project lian leh tlo tham tur law law siam vat a nih theih nana hmalak thuai a ṭul thu a sawi a; a ṭul angte buaipui turin district administration leh PWD hotute a chah a ni.

State Disaster Response Fund hmanga tih theih bakte sorkar laipui aṭanga hmalak dan tur pawh buaipui zel a ṭul dawn avangin chak taka hma la turin sorkar official-te chu a

chah bawk.