Chhingchhip Mualpui ZNP unit MNF-in an lawm lut niin an sawi

MNF party chuan thuchhuah siamin, Chhingchhip Mualpui ZNP unit pumpui chu May 19, Inrinni khan bialtu MLA Lalrinawma'n MNF party-ah a lawm lut niin an tarlang.

MNF tarlan danin, Chhingchhip Mualpuia ZNP mi MNF-a lawm luhte hi mi 152 an ni a, ZNP unit President leh Secretary leh, Tuikum block ZNP Secretary Laltluangliana seal an kawl lai an thehlut nghal a ni. MNF an lawm luh rual hian, neutral mi 18 an lawm lut niin an tarlang bawk.

Lawm luhna inkhawmah Lalrinawma chuan, MNF party chu Pathian awmpui leh Pathian rinchhana kal a nihzia hi a chuiang nia sawiin, "Kan sàwm vang ni miah loa anmahni duh thua mi thar duhawm tak takte an rawn lut hi Pathian remruat leh hnathawh a ni. Ramin kal a siam a, Pathianin MNF party mal min sawm zel a; Pathian kaihhruaina leh awmpuinain SEDP hmang hian kan ram leh hnam kan khai chhuak ngei ang a, sorkar thar kan siam ngei dawn a ni," a ti.