AIDS vanga thite sûn

22nd May, 2018

Nimin khan SYnod Hospital Auditorium-ah AIDS vanga thite hriatrengna hun, International Candlelight Memorial Service 2018 hman a ni a, Mizoram State AIDS Control Society (MSACS) project director Dr Lalmalsawmi Sailo-in a hmanpui.

International Candlelight Memorial Service hmanna inkhawm hi Lalrinchhani Fanai, Grace Home, Synod Hospital-in a kaihruai a; khuallian Dr Lalmalsawmi Sailo bakah, Grace Home-a senior medical officer Dr RL Sanghluna'n thu a sawi.

MSACS deputy director Betty Lalthantluangi leh FHI-360 hotu Robert Lalrempuia te kaihhruaiin AIDS vanga thite sûn nan bati chhit a ni a; Synod Hospital-a chaplain Rev. H Biakthansanga'n Pathian thuchah a sawi bawk.