KHAWTHLIR

CM-in hawng
Nimin khan chief minister Lal Thanhawla chuan Aijal Club-ah Rajiv Gandhi Study Circle a hawng a, Rajiv Gandhi chu ṭhalaite tana khawvel thar siam ngai pawimawhtu a nih thu a sawi.Rajiv Gandhi Study Circle hi tlawmngai pawl niin, kum 2005 khan din a ni a, zirlaite leh ṭhalaite thinlungah ṭhalaite pawimawhzia hmuchianga an khawvel su eng tura beitu Rajiv Gandhi-a’n ‘Twenty first century India’ a hmuhlawk ang ngeia ṭhalaite rilru ti engtu nih chu a tum ber a ni.

Heroin man
Saitual Police leh SRS ṭangkawp chuan Pathianni zing dar 9:15 vel khan Rebecca Lalnunmawii (33) w/o R Lalfakzuala, Saitual Venglai nia insawi hnen aṭangin heroin gram 22.67 an man. Pathianni vek zing dar 10:30 khan Saitual Police leh SRS ṭangkawp hian Lalremruata (24) s/o Laldawngliana, Keifang nia insawi hnen aṭangin heroin gram 34.53 an man bawk.

ILP nei lo 40 hmu
MZP headquarters, Zawlnuam leh Zawlnuam Police-te chuan May 19, Inrinni khan kumina a vawi hnih nan Zawlnuama hnam dang awm zingah ILP nei leh nei lo endik rûnpui an nei leh a, ILP nei lo leh felfai lo hnam dang 40 an hmu chhuak a, police-in an khawm nghal. ILP enfiahnaah hian Zawlnuam khaw chhunga hnam dang awmte bakah, leileta hna thawk hnam dangte pawh enfiah an ni.

Rinhlelh man
Mizoram Police-te chuan 26th Mini Voleyball Championship, Boys final ni 28.4.2018-a R Dengṭhuama Hall-a khelh ṭuma Manipur captain Sakil Chesam kutthlaktua rinhleh F Hmungthansanga (370 s/o Ṭhuamliana, Mualpheng chu tun hnai khan an man a, thuzawhfiah a nih hnuah Central Jail-ah dah a ni. Final khelh zawhah champion team captain Sakil Chesam hi kutthlak a ni a, hliam a nat deuh avangin damdawi-in panpui a ni a, Manipur an thlen hnuah damdawi-inah admit a ni.