Champhaiah Project Tlaizawng kalpui

Environment, Forest & Climate Change (EFCC) department leh Champhai Nature Conservancy chuan, Champhai khawpui chu tlaizawng khawpuiah siam an tum a, chuta tan chuan Project Tlaizawng an kalpui mek. Project hawnna inkhawm tun hnai khan CHANEM building-ah buatsaih a ni a, Champhai DFO C Lalbiaka'n a hawng.

Project bul ṭanna atan CHANEM chhehvelah Tlaizawng ṭiak phun nghal a ni a, chumi hnuah Champhai Nature Conservancy member, project atana inpe leh zirlai thlan chhuahte'n tlaizawng phun rûnpui an nei nghal. A thawh khatnaah hian tlaizawng ṭiak 300 phun a ni a, Green Mizoram Day-ah tlaizawng phun rûnpui thawh hnihna kalpui leh a ni ang.

Project Tlaizawng atan hian Champhai khuaa mi ṭhahnemngaite'n pawisa an thawh khawm a, nakkumah kûng 10,000 phun tura hmalak mek a ni.