Kan sorkar hi entawn chawp pawha hlawhchham sorkar a ni - MPP President
Ṭangrual pawl, Zoram Peoples' Movement (ZPM)-a tel pawl pakhat, Mizoram Peoples Party (MPP) president Lalṭanpuia chuan nimin khan ZPM pisaa inkhawmah thu a sawi a, "Tuna kan sorkar hrawn mek sorkar hi entawn chawp pawha hlawhchham sorkar a ni," a ti.
MPP President chuan, "A thawk tlem apiang hamṭhatna dawng anga an lan avangin kan ṭhalaite thâ a chhat zo tawh a, IAS inziak tling thar kan neih theih tawh loh chhan pawh hi kan sorkarin thatchhe policy a kalpui vang a ni," a ti a; sorkar chu mawhphurtu a nih thu a sawi.
Mizoramah industry din dawnin Mizoram chhung ngeia mi a hmanrua (raw material) mila din a pawimawh thu sawiin Lalṭanpuia chuan, chu chuan chhungkaw sang tél eizawnna a siamsak thei dawn niin a sawi a, "Hruaitu reng reng hian an hruaina hmasa term an tluk ngai lo. Kan sorkar hrawn tawh leh hrawn mek pawh hi chutiang chu an ni," a ti.