Khung hran mek thil pek vangin chhungkaw pathum khung hrang

Lawngtlai khawpuia Vengpui leh Vengpui II-a chhungkaw pathum chu an chhungkaw zinga mite'n quarantine facility-a awmte thil an pek avangin an inah ni 21 chhung inkhung tura tih an n

Mizoram police thuchhuah tarlan danin, June 10, Nilaini zanah Lawngtlaia quarantine facility - Don Bosco School-a awm mek mi pakhat chu tu tih hriat loh mi pathumin kuhva leh meizial an pe nia sawi a ni a; police leh task force-te'n chhui nghalin, Nilaini zan dar 7:30 velah Vengpui leh Vengpui II-a khawsate'n quarantine facility-a awm mek chu kuhva leh meizial an pe ngei a ni tih hriat chhuah a ni.

Mi pathumte thil tih chu dan bawhchhiatna leh mipui tana him lo a nih avangin anmahni leh an chhungte zawng zawng chu an inah ni 21 chhung inkhung tura thu pek an ni a; khung hran an nih chhung zawng an venga task force-te'n an vil zui ang.